AC Milan është shumë pranë arritjes së marrëveshjes me Igli Taren, i cili pritet të marrë postin e drejtorit të ri sportiv të klubit.

Sipas raportimeve të fundit nga gazetari italian Matteo Moretto, marrëveshja është në fazat përfundimtare dhe tashmë po punohet për hapat zyrtarë që do të finalizojnë emërimin, shkruan Arbresh.info.

Tare, i njohur për punën e tij të gjatë dhe të suksesshme te Lazio, ku ndërtoi një skuadër konkurruese me buxhet të kufizuar, shihet si profili ideal për të udhëhequr strategjinë sportive të Milanit në një fazë të re zhvillimi.

??⚫️ AC Milan are closing in on the agreement with Igli Tare as new sporting director.

Deal almost done, working on formal steps. @MatteMoretto ?? pic.twitter.com/NQGfU57fUU

— Fabrizio Romano (@FabrizioRomano) May 20, 2025

Emërimi i tij pritet të sjellë një qasje më të strukturuar në merkato dhe në ndërtimin e ekipit, duke kombinuar përvojën e tij në Serie A me aftësinë për të zbuluar talent të rinj dhe për të bërë lëvizje të zgjuara në tregun ndërkombëtar.

Zyrtarizimi pritet të vijë së shpejti, ndërsa pritet që ai të nisë punën menjëherë për përgatitjet e sezonit të ri./Arbresh.info